تاند ( دوشنبه، د سنبلې ۳) د افغانستان د ټاکنو خپلواک کمېسون مسولان وايي، په غزني ولایت کې یې د ولسي جرګې د ټاکنو طرحه د تایید لپاره حکومت ته لېږلې ده.

یاد کمیسیون وایي، چې د طرحې له مخې ټاکل شوې، په غزني کې د ولسي جرګې ټاکنې د راتلونکې ثور په میاشت کې ترسره شي.

د غزني ولایت د ولسي جرګې ټاکنې تېر کال د ټاکنیزو حوزو د وېش پرسر او نورو لانجو له کبله ځنډېدلې وې.

https://taand.net/%d8%af-%d8%ba%d8%b2%d9%86%d9%8a-%d9%88%d9%84%d8%a7%db%8c%d8%aa-%d8%af-%d9%88%d9%84%d8%b3%d9%8a-%d8%ac%d8%b1%da%ab%db%90-%d9%be%d8%b1-%d9%bc%d8%a7%da%a9%d9%86%d9%88-%d8%a8%d8%ad%d8%ab-%d8%a7%d9%88/

خو اوس د ټاکنو خپلواک کمېسیون وایي د نوې طرحې پر بنسټ د دغه ولایت په درېیو حوزو کې ټاکنې ترسره کیږي.

یاد کمېسیون له حکومت غوښتي، چې په دغه ولایت کې امنیت ټینګ او مالي سرچینې هم د ټاکنو کمیسیون ته په واک کې ورکړي.