تاند (چهارشنبه، د اسد ۱۵) د بغلان د ولایتي شورا پخوانی غړی محبوب الله غفاري وايي چې طالبانو دده ۱۲ کسان وژلي دي.
ښاغلي غفاري ویلي یاد دولس کسان نن سهار له بغلان ولایت څخه مزار شریف ته په لاره وو چې د وسله والو طالبانو له کمین سره مخامخ شوي دي.
نوموړی وايي طالبانو دده پورې اړوند کسان د بغلان –سمنګان پر لویه لاره د چشمه شېر په سیمه کې وژلي دي.
هغه زیاتوي چې په دغه برید کې ده ته کوم زیان نه دی اوښتی.
طالبانو تر اوسه د غفاري ددغې ادعا په اړه څه نه دي ویلي.