په کابل کې د خپلواکۍ جام لوبه افغان ځوانانو وګټله
د افغانستان د خپلواکۍ بېرته اخېستو سلمې کلیزې په ویاړ کابل نړیوال لوبغالي کې د افغان ځوانانو او افغان اتلانو ترمنځ د خپلواکۍ جام شل اوریزه لوبه ترسره شوه.
افغان ځوانانو لوبډلې شل اورونو کې د ۶ لوبغاړو په سوځېدو سره افغان اتلانو ته د ۱۸۰ منډو هدف ورکړ.
افغان ځوانانو ته توپ وهنه کې ګلبدین نایب ۵۴، احسان الله جنت او حشمت الله شهیدي ۴۵-۴۵ منډې وکړې.
د افغان اتلانو ټوله لوبډله ۱۳۹ منډو باندې وسوځېده او لوبه یې د ۴۰ منډو په توپیر وبایلله.
ګلبدین نایب د لوبې غوره لوبغاړی وټاکل شو.
په دغو سیالیو کې ملي لوبډلو لوبغاړي په دوه لوبډلو ویشل شوي وه.
