طوفان هریرود د لوبغاړو ټاکلو سیالۍ پای ته ورسېدې
صابر حمیدي
د تېرې یکشنبې په ورځ په هرات ولایت کې طوفان هریرود لوبډلې ته د غوره لوبغاړو موندلو سیالۍ پيل شوي وې، چې پرون چهارشنبه د هرات سي لوبډلي په لومړي مقام خپلولو سره پای ته ورسېدې.
د افغانستان د فوټبال فدراسیون مسئولین وايي، چې د یادو سیالیو پایلوبې ته د هرات سي لوبډلي سره فراه منتخبې لوبډلې لاره پيداکړې وه، چې هرات سي ۳ ګولونه پر ۰ د فراه منتخبې لوبډلي ته ماته ورکړه او د یادو سیالېو اتلولي یې خپله کړه.
د دوی په خبره، چې د هرات سي او فراه منتخبې لوبډلې ترڅنګ په دې سیالیو کي هرات ای، هرات بي، غور او بادغیس ولایتونو هم ګډون کړی وو.
ددې سیالیو موخه د طوفان هریرود فوټبال لوبډلې ته د غوره لوبغاړو موندل و..
طوفان هریرود افغانستان د فوټبال غوره لیګ د ګډونوالو ټیمونو څخه یوه لوبډله ده
