افغان پیاوړی لوبغاړی ګل بدین نائب د بنګله دیش تجارتي سیالېو په موخه یاد هېواد ته روان شو
- تاند
افغان پیاوړی کرکټر او ال رونډر لوبغاړی ګل بدین نایب چې د کرکټ ځانګړي او ډېر مینه وال لري، نن چهارشنبه د بنګه دیش پلازمېنې ډهاکې پر لور روان شو.
دغه پیاوړی ال رونډر لوبغاړی ګل بدین نائب به د سږ کال په شپږم پړاو بي پي ایل یا د بنګله دیش په تجارتي سیالېو کې ولوبیږي. نوموړی په یاد لیګ کې د سیلهیټ سیکسرز لوبډلې له لورې اخیستل شوی دی او د همدې لوبډلې په ګټه به ولوبیږي.
ګل بدین نائب په ښي لاس چټکه او د اړتیا پر وخت سلو او ارامه توپوهنه هم کولای شي او زیات وخت ورڅخه د کرکټ مینه وال په توپوهنه او توپ اچونه دواړو برخو کې زیاتې هیلې لري. د نائب یوه بهرینه لوبه په ۲۰۱۶ کال کې د زمبابورې خلاف ترسره کړه او په خپلو غښتلو مټو یې وکولای شول چې افغان لوبډله په یوازې ځان او په غوره توپوهنې تر بریا ورسوي.
نائب په ښي لاس میډیم توپ اچونه هم کوي او په لوبه کې د ال رونډر په حېث لوبیږي.
هېره دې نه وي چې د بنګله دیش دغه لیګ چې په کې به نور افغان لوبغاړي هم ولوبیږي د روانې جنورۍ میاشتې پر ۵مه نیټه (یعنې درې وروسته) پیلیږي چې په کې رانګپور له اتلولۍ دفاع کوي.
