په کرکټ کې د لومړي ځل لپاره ډېر کوچنی ماشوم په ګډه لوبډلمشري کوي
د کرکټ له ډګره حیرانوونکې ده چې په اسټرالیا کې دې داسې یو ۷ کلن ماشوم چې د زړه عملیات یې هم کړی، ټاکل شوې چې له هند سره په راتلونکې ټیسټ سیالۍ کې ګډه لوبډلمشري کوي. دغه ماشوم ارچي شلر نومیږي او د اسټرالیا څخه دی.
د امریکا غږ اشنا ویب سایټ له مخې: د استرالیا او هند ترمنځ د څلور ټسټ سیالیو لړۍ چهارشنبه د (دیسمبر ۲۶) نیټه په ملبورن کې پیلیږي.
د استرالیا د کرکټ لوبډلې مینه وال دی او درې میاشتینی وو چې تشخیص شوه چې د زړه په ناروغۍ اخته دی.
نو له همدې کبله د استرالیا کرکټ بورډ د هغه نازولو له کبله د خپلې لوبډلې ګډ کپټان په توګه معرفي کړی دی.
تراوسه څو ځلې شلر د زړه ناروغۍ له کبله عملیات شوی هم دی.
د استرالیا کرکټ بورډ وايي: “د شلر کرکټ خوښ دی، خو د هغه روغتیايي وضعیت ورته اجازه نه ورکوي چې په ازاده توګه کرکټ وکړي. “
ارچي شلر د اسرالیا د کرکټ کمکی کپټان
د ارچي شلر پلار ډانیل شلر وايي کله چې ما ترې پوښتنه وکړه چې څه دې خوښ دي، هغه ورته په ځواب کې ویلي چې غواړي د استرالیا د کرکټ د ملي لوبډلې کپټان شي.
نږدې یوه میاشت مخکې د استرالیا کرکټ بورډ دا پریکړه وکړه چې شلر به د هند او استرالیا ترمنځ په ټسټ سیالۍ کې د کپټان په توګه کار وکړي.
د استرالیا د کرکټ ملي لوبډلې روزنکی جستن لینګر وايي: ارچي شلر به له هند سره په ټست لوبه کې د استرالیا د ملي لوبډلې ګډ کپټان وي.
له لوبې څخه مخکې شلر له خپلې لوبډلې سره تمرین هم ترسره کړ.
