پاکستاني لوبغاړي ته محمد نبي او سندیپ پر ټویټر ځوابونه ورکړي
ثناګل ګلزار
د کرکټ د ۳ ورو توپ اچونکو ترمنځ په ټویټر کې خوش طبیعتي وروسته له هغه د کرکټ د ډېرو مینوالو پام راجلب کړ، چې د افغانستان ملي لوبډلې رو توپ اچونکی محمد نبي د پاکستان ملي لوبډلې رو توپ اچونکي فواد احمد ته داسې ریپلی وکړه: (( واه واه دا څه کوې، مونږ سره لږ ګوزاره کوه.))
فواد احمد په روان بېګ باش سیالیو کې د سیډني تندر لوبډلې سره لوبیږي، چې تیره ورځ د سیډني سکسرز لوبډلې خلاف په څلورو اورونو کې ۳۳ منډې ورکړې او درې لوبغاړي وسوځول.
د بېګ باش رسمي ټویټر پاڼې د فواد د ۳ وېکیټو ویډیو پورته کړې ده، چې لومړۍ نبي په خپله مورنۍ ژبه پښتو کې خبرې لیکلي.
د نبي په ځواب کې بیا د نیپال ملي لوبډلې رو توپ اچونکی سندیپ لمچن په انګلیسي ژبه کې لیکلي:
((مونږ ټول پوهېږو چې تاسو سره هم د شپږېزو قدرت شته ورور مې، ځان له بالرانو ساته))
محمد نبي بیا ري ټویټ کې له سندیپه مننه کړې ده.
محمد نبي په لومړیو دوو لوبو کې د مېلبرن ریګینډز لوبډلې په ګټه په توپ وهنه کې ۸۳ منډې کړې دي او په توپ اچونه کې یوه وېکیټه اخیستې ده.
اخوا سندیپ لمچن په دوو لومړنیو لوبو کې پنځه وېکیټې اخیستې دي، چې راشد ارمان هم پنځه وېکیټې اخیستې دي.
