د اسټرالیا او هند ترمېنځ دوهمه ټیسټ سیالۍ جریان لري
د اسټرالیا او هند ترمېنځ دوهمه ټيسټ سیالۍ د اسټرالیا په فیرت لوبغالي کې روانه ده. دغه لوبه د کابل پر وخت نن جمعه نږدې غرمه لس بجې او شل دقېقې پېل شوه. ددغې سیالۍ نن لومړۍ ورځ ده او اسټرالیا یې لومړی اننګز لوبوي، دمګړۍ اسټرالیاد ۹۰ اورونو په لوبولو د ۳.۰۷ رنځ ریټ په درلودلو سره ۲۷۷ منډې لري او شپږ لوبغاړي یې له لاسه ورکړي دي.
مارچوس هاریز په پورته منډو کې تر ټولو زیاتې منډې جوړې کړې. نوموړي د ۱۴۱ توپونو ۷۰ منډې جوړې کړې، له ده وروسته بیا تراویس هیډ ۵۸، ارون فینچ ۵۰ او شووان مارش بیا ۴۵ منډې جوړې کړې. اوسمهال په لوبغالي کې د اسټرالیا دوه لوبغاړي (ټيم پاین او فاټ کومینز) موجود دي.
د توپ اچونې په برخه کې د هندوستان لپاره اشانت شرما ۲ لوبغاړي وسوځول، جارسپریټ بومرا ۱ لوبغاړی، یامیش یادوې هم ۱، هانوما ویهاري هم ۱ لوبغاړی وسوځاوه.
نور جزیات وروسته…
