د هند کرکټ پیاوړی توپ اچونکي کولډيپ یادوې ۲۴ کلن شو
د هندوستان کرکټ ملي لوبډلې پياوړی کیڼ لاسی توپ اچونکی کولډيپ یادوې نن د خپل ژوند ۲۴ سپرلی پېلوي. د ای سي سي (کرکټ نړیوالې شورا) په خپله فسبوک پاڼه یادوې ته د هغه د زوکړې د ورځې مبارکي ورکړې ده.
یادوې له نن څخه څلورویشت کاله وړاندې په کال ۱۹۹۴ د ډیسمبر په ۱۴مه په کانپور کې وزږېد. یادوې د هند لپاره ۵ ټيسټ سیالېو کې ونډه اخیستې ده او ۱۹ ویکټې یې پکې اخستې دي، دغه راز نوموړي ۳۳ یو ورځنۍ سیالۍ لوبولي دي چې ۶۷ ویکټې يې پکې اخیستې دي، یادوې د شل اوریزو سیالېو په لړ کې بیا د هند لپاره په ۱۷ سیالېو کې لوبېدلی دی او ۳۳ ویکټې یې پکې اخیستې دي.
د کرکټ نړیوالې شورا په خپله فسبوک پاڼه کې د کولډيپ یادوې د کرکټ د ټول فارمټ د ویکټو یادونه هم کړې ده او ویلي یې دي چې یادوې د هند کرکټ لپاره په ټولو فارمټونو کې ټول ټال ۱۱۹ ویکېټې اخیستې دي.
