د افغانستان ایمزجنګ لوبډلې عمان ته په ۱۱۲ منډو ماتې ورکړه
تاند- د افغانستان ایمرجنګ لوبډلې د اسیايي جام سیالیو په لړ کې نن خپله درېمه سیالي د ۱۱۲ منډو په توپیر له عمانه وګټله.
لومړی بیټنګ افغان لوبغاړو وکړ او سیال ټیم ته یې ۲۵۳ منډې هدف وټاکه.
د عمان لوبغاړي په داسې حال کې وسوځېدل چې ټولټال یې ۱۴۰ منډې کړې وې.
کریم جنت، ضیاالرحمن اکبر او نجیب ځدراڼ هر یوه دوه – دوه لوبغاړي وسوځول. قیس احمد، عظمت الله عمرزي او شاهد الله کمال یو – یو ویکټ واخیست.
نجیب ځدراڼ نه یوازې دوه لوبغاړي وسوځول، بلکې ۸۳ منډې یې هم وکړې او د دې مسابقې غوره لوبغاړی ونومول شو.
