په ژمنیو المپیک سیالیو کې ناروې لومړۍ شوه
تاند- په جنوبي کوریا کې ژمنۍ المپیک سیالۍ په دې مسابقو کې د شاملو هیوادونو د استازو او لوبغاړو په ګډون په یو لړ مراسمو پای ته ورسېدې.
د امریکا د ولسمشر لور ایوانکا ټرمپ هم په پاییزو مراسمو کې برخه واخیسته.
په دې سیالیو کې، چې د جنوبي کوریا په پیونګ چانګ ښار کې وشوې، تر ټولو زیات میډالونه ناروې وګټل.
دغه هیواد د سرو زرو ۱۴، د سپینو ۱۴او د ژېړو ۱۱ میډالونه خپل کړل.
ورپسې جرمني و. که څه هم د جرمني د سرو زرو میډالونه ۱۴ وو، خو په مجموع کې د ناروې د میډالونو شمېر ۳۹ او د جرمني ۳۱ دی.
کاناډا درېم، امریکا څلورم، او هالنډ پنځم مقام ترلاسه کړ.
د ژمنیو المپیک لوبو د پای مراسم او اورلوبه
