د المپیک سیالیو په درشل کې د نجونو د فوټبال سیالۍ
تاند- د برازیل د ۲۰۱۶ د رویو دیو جینیرو د المپیک لوبې د شنبې له ورځې رسماً پیلېږي خو د دغو مسابقو په درشل کې لومړنۍ المپیکي لوبې د نجونو د فوټیال وې چې د چهارشنبې په ورځ وشوې.
لومړۍ سیالي د سویډن او جنوبي افریقا د نجونو د ټیمونو ترمنځ وه چې د المپیک په لوبغالي کې وشوه.
د المپیک ځیني مسابقې د دې لوبو تر رسمي مراسمو مخکې د دې لپاره ترسره کېږي چې پایلوبه یې په ټاکلي وخت وشي.
د سویډن ټیم د جنوبي افریقا لوبډلې ته یو پر صفر ماتې ورکړه.
په بله سیالۍ کې د امریکا د نجونو لوبډلې د چین لوبډلې ته ۳ پر صفر ماتې ورکړه.
همداراز د فرانسې د نجونو د فوټیال ټیم کولمبیا ته ۴ پر صفر، د کاناډا ټیم استرالیا ته ۲ پر ۱ او د جرمني لوبډلې زیمبابوې ته ۶ پر ۱ ماتې ورکړه.
ټاکل شوې ده چې نن /پنجشنبه/ د عراق د نارینه وو ټیم له ډنمارک، د هندوراس ټیم له الجزایر، برازیل له جنوبي افریقا، مکسیکو له جرمني، پرتګال له ارجنټاین او سویډن له کولمبیا سره مخامخ شي.
