نیوزیلنډ یو وار بیا پاکستان ته ماتې ورکړه
تاند- د نیوزیلنډ او پاکستان د کرکټ لوبډلو ترمنځ د شل اوره سیالیو لومړۍ مسابقه نیوزیلنډ په ۷ ویکټونو وګټله.
ټاکل شوې ده چې دواړه لوبډلې دوې نورې ۲۰ اوره سیالۍ وکړي.
د نننۍ /دوشنبه/ مسابقې پچه نیوزیلنډ وګټله او پاکستان ته یې د بیټنګ کولو بلنه ورکړه.
پاکستاني لوبغاړو ټول ۲۰ اورونه ونه لوبولی شوای. په ۱۹ اوور او ۴ توپ په داسې حال کې ټول وسوځېدل چې ۱۰۵ منډې یې کړې وې.
د پاکستان ټاپ ارډر یا پرانسیتګر لوبغاړي ژر ژر وسوځېدل. په داسې حال کې چې ۷ لوبغاړي سوځېدلي ول، یوازې یې ۵۳ منډې کړې وې. هیڅ یوه جفت عدد منډې ونه کړای شوې.
خو حسن علي او بابراعظم نسبتاً ښه لوبه وکړه او د پاکستان منډې یې تر سلو واړولې.
تر دې وړاندې نیوزیلنډ له پاکستان څخه ۵ یو ورځینۍ مسابقې وګټلې.
