هندوستان په دوهمه او ډېره زړه راښکونکې لوبه کې هم سریلانکا ته ماته ورکړه

سریلانکایۍ لوبډلې د ۲۶۱ منډو هدف پسې په ۱۷،۲ اورونو کې خپل ۹ لوبغاړي له لاسه ورکړه او یوازې ۱۷۲ منډې یې وکړې، ددوی ۱۰م لوبغاړی خوږ شو ځکه خو اوټ وشمېرل شو او لوبه سریلانکا وبایلل

د سریلانکا لپاره کوسال پریرا ښکلې لوبه وکړه هغه ۷۷ منډې په ۳۷ توپونو وکړې او اوپل ترنګا بیا ۴۷ منډې وکړې، د هند توپ اچوونکو کې یزویندرا چاهال او کلدیف یاداف درې-درې ویکټې ترلاسه کړې.
دلوبې غوره لوبغاړی روهیت شرما وټاکل شو چې په ۴۳ توپونو یې ۱۱۸ منډې وکړې، ۱۰ شپږیزې او ۱۲ څلوریزې یې وهلي وې.

دا په ۲۹ اوریزو نړیوالو لوبو کې دوهم ستر او غټ هدف و چې د هند له لوري کېښودل شو، له دې وړاندې استرالیا و سریلانکا ته د ۲۶۳ منډو ستر هدف ایښی و.