د شهزاد محمد د بندیز د پای ته رسېدو نېټه اعلان شوه
د کرکټ نړیوالې شورا د افغانستان د کرکټ د ملي ټیم د تکړه بټسمن او ویکټ کیپر شهزاد محمدي د بندیز موده اعلان کړه.
دې شورا نن /پنجشنبه/ وویل چې شهزاد محمدي د ۲۰۱۷ د جنورۍ په اوولسمه نېټه غیرقانوني درمل استعمال کړي و چې له کبله یې نوموړی د یو کال لپاره د کرکټ په سیالیو کې له لوبېدو محروم شو.
د کرکټ نړیوالې شورا په عین حال کې ویلي چې د شهزاد محمدي بندیز به د راتلونکي ۲۰۱۸ د جنورۍ په اتلسمه پای ته ورسېږي.
د ۲۹ کلن محمدي د وینې سیمپل یا نمونه په دوبۍ کې اخیستل شوې وه چې له معاینې وروسته څرګنده شوه نوموړي د (Clenbuterol) په نوم غیرقانوني مواد استعمال کړي دي.
دا ماده هغه کسان استعمالوي چې د ساتنګۍ ستونزه لري خو په ورزش کې منع ده.
د کرکټ په اړه بل خبر دا دی چې نن په شارجه کې د افغانستان او آیرلنډ دوهمه یو ورځینۍ مسابقه روانه ده.
لومړی بیټنګ آیرلنډ کوي.
