افغان فوټبال لوبډله له اسیا جام سیالیو پاته سوه
راپور: خپلواک دریځ |
د افغانستان ملي فوټبال لوبډله و نه توانېده د ۲۰۱۹ کال اسیايي جام سیالیو کې ګډون ته لار ومومي. افغان ملي لوبډله د ویتنام ملي لوبډلې خلاف د ویتنام پلازمېنې هنويي کې د غوراوي سیالیو لړ کې لوبې ډګر ته ووته، خو دغه سیالي له کومې پایلې پرته پای ته ورسېده.
لوبه د افغانستان پر مهال مازدیګر څلورنیمې بجې پیل شوه او له ۹۰ دقیقو وروسته هم هېڅ لوبډله و نه توانېده ګول وکړي.
له نننۍ لوبې مخکې افغانستانې دوې لوبې مساوي کړې دي او دې یې بایللې دي.
د لوبډلو همدې ګروپ کې اردن لوبډلې د کمپوچیا مقابل کې صفر یو بریا تر لاسه کړه او له ویتنام سره لا مقدماتي لوبو کې پاتې شوه.
د جرمن روزونکي اتوفیستر افغان لوبډله به د دغو سیالیو وروستۍ لوبه د ۲۰۱۸ کال د مارچ پر ۲۷ مه تاجکستان کې له کمپوچیا سره وکړي، چې دغه سیالي به د درېیم ځای لپاره وي.
