افغان ۱۹ کلنو بنګالي لوبډله په ۴۵ منډو ماتې کړه
تاند- د افغانستان د کرکټ د نولس کلنو ټیم نن د بنګله دېش د نولس کلنو لوبډلې ته په ۴۵ منډو ماتې ورکړه.
لومړی افغان لوبډلې بیټنګ وکړ او سیال ټیم ته یې ۱۳۴ منډې هدف وټاکه.
د بنګله دېش ټول لوبغاړي په دېرشم اوور کې په داسې حال کې وسوځېدل چې ۸۸ منډې یې کړې وې.
د افغان ټیم مجیب ځدراڼ ۷ بنګالي لوبغاړي وسوځول او د دې سیالۍ غوره لوبغاړی وپېژندل شو.
ټاکل شوې ده چې دواړه ټیمونه د جمعې په ورځ وروستۍ یو ورځینۍ مسابقه وکړي.
تراوسه پورې په تېرو ۴ سیالیو کې ۲ افغانستان او یوه بنګله دېش ګټلې او یوه هم د باران د اورېدو له کبله لغوه شوې ده.
