د افغانستان او بنګله دېش د ۱۹ کلنو ۴مه مسابقه
تاند- ټاکل شوې ده چې د افغانستان او بنګله دېش د کرکټ د ۱۹ کلنو لوبډلې نن /چهارشنبه/ په څلورمه یو ورځینۍ مسابقه کې مخامخ شي.
تراوسه پورې دواړه ټیمونه مساوي دي.
لومړۍ مسابقه بنګالي لوبغاړو وګټله، دوهمه د باران له کبله لغوه شوه او درېمه په لوی توپیر افغان لوبغاړو وګټله.
نننۍ او د جمعې د ورځې /اکتوبر۶/ مسابقې به د دې لړۍ ګټونکی معلوم کړي.
که تنکیو افغان لوبغاړو په دې دوو سیالیو کې یوه هم وګټله، د دوی لپاره د ویاړ ځای دی ځکه چې سیالۍ د سیال په کور کې کېږي.
د دواړو لوبډلو له وروستۍ مسابقې سره په یو وخت د افغانستان د کرکټ ملي لوبډله له هانګ کانګ سره د سیالۍ میدان ته وځي.
