بند امیر او کابل بازانو خپلو سیالانو ته ماتې ورکړه
تاند- د افغانستان د شپږیزې لیګ د نن ورځې په دوو سیالیو کې بندامیر پړانګانو په ۶ منډو بُست ساتونکو ته او کابل بازانو په ۸ ویکټونو سپینغرزمریانو ته ماتې ورکړه.
په لومړۍ مسابقه کې بند امیرپړانګانو خپل سیال بست ساتونکو ته ۱۵۵ منډې هدف په داسې حال کې وټاکه چې ۷ لوبغاړي یې سوځېدلي ول.
جاوید احمدي په ۴۷ توپونو ۷۵ او شاهد الله په ۱۳ توپونو ۲۲ منډې وکړې.
راشد خان ارمان په ۴ اوورونو کې ۲۲ منډې ورکړې خو ۳ لوبغاړي یې وسوځول، شاهدالله ۲۶ منډې ورکړې او ۲ لوبغاړي یې وسوځول.
د بُست لپاره شبیر نوري په ۲۴ توپونو ۲۴ منډې او مُنیر احمد په ۴۱ توپونو ۵۸ منډې وکړې.
ګلبدین نایب د بند امیر ۲ لوبغاړي وسوځول.
د سپینغر زمریانو لپاره شفیق الله په ۲۴ توپونو ۶۰ او نورعلي ځدراڼ په ۳۴ توپونو ۵۰ منډې وکړې.
د کابل بازارنو لپاره کریم صادق په ۳۴ توپونو ۵۰ او حشمت الله شهیدي په په ۳۷ توپونو ۵۱ منډې وکړې.
