کابل بازانو په ۶ ویکټونو امو نهنګان مات کړل
تاند- د افغانستان د کرکټ د غوره لیګ (شپږیزې) د سیالیو په دوام کې نن کابل بازانو په ۶ ویکټونو امونهنګان مات کړل.
امو نهنګانو لومړی بیټنګ وکړ او په ۲۰ اوورونو کې یې د ۹ لوبغاړو د سوځېدو په بدل کې ۱۳۰ منډې وکړې.
خو کابل بازانو دا هدف نسبتاً په اسانه پوره کړ.
کابل بازانو په اوولسم اوو کې په داسې حال کې ۱۳۱ منډې وکړې چې ۴ لوبغاړي یې سوځېدلي ول.
بله سیالي څو شېبې مخکې د بسُت ساتونکو او مس عینک ترمنځ پیل شوه.
کریم صادق د دې سیالۍ غوره لوبغاړی شو. ده ۲۷ منډې وکړې او ۳ لوبغاړي یې وسوځول.
