لیک بریک ګوګلي ماسټر
فضل رحیم رحیمي:
شپږکلن هلال د ننګرهار په جوی هفت سیمه کې اوسیږي او اوسمهال په ننګرهار کې د افغانستان په کرکټ اکاډیمي خپل تمرینونه کوي.
نوموړی د ننګرهار د عالي لېسې د دوهم ټولګي زده کوونکی دی.
هلال وایي، په ملی لوبډله کې یې د خوښې لوبغاړي محمد نبي عیسی خېل او راشدارمان دي.
هلال زیاتوي«غواړم چې پخپل وخت د افغانستان په ملي لوبډله کې ولوبیږم.»
نوموړی ښي لاسی لیک بریګ توپ اچوونکی او توپ وهونکی دی.
د هلال مشر ورور وایي چې له هلال څخه د افغانستان یوه لوبه هم نه پاتې کیږي؛ ټولې لوبې ګوري چې تر نیمه شپه هم ورته ناست وي.
