رایل مادرید د اروپا د کلبونو سوپرکپ وګوټ
تاند- د هسپانیا رایل مادرید د انګلیستان مانچستر یونایتید ته ۲ پر ۱ ماتې ورکړه او د اروپا د کلبونو سوپر جام یې وګاټه.
مانچستر یونایتید او رایل مادرید د اروپا د سوپر کپ په سیالۍ کې مخامخ شول. په دې سیالۍ کې کاسیمیرو په ۲۴ مه دقیقه او ایسکو په ۵۲ دقیقه د رایل مادرید لپاره ګولونه ووهل.
د مانچستر یونایتید یوازینی ګول روملو لوکاکو په ۶۲ دقیقه وواهه.
په دې مسابقه کې د ریل مادرید کریستیانو رونالډو د سیالۍ په وروستیو شېبو کې میدان ته راووت.
ریل مادرید تر دې وړاندې د سږ کال د هسپانیا د غوره لیګ (لالیګا) جام هم ګټلی و.
