ریل مادرید د فوټبال اروپايي اتلولي وګټله
تاند- د هسپانیا ریل مادرید کلب تېره شپه اتلتیکو مادرید ته د اروپايي اتلولیو په پایلوبه کې ماتې ورکړه او د یوولسم ځل لپاره یې د اروپا اتلولي وګټله.
دا سیالي، چې د ایټالیا د میلان په سن سیرو لوبغالي کې وشوه، ریل مادرید د پینالټي په شوتونو وګټله.
ریل مادرید ۵ او سیالی یې ۳ پینالټي شوتونه ګول کړل.
لومړنی ګول سرجیو راموس د ریل مادرید لپاره وواهه او وروستی ګول د ریل مادرید ستوري کریستیانو رونالډو وواهه.
د اروپا د فوټبال اتلولي د کلبونو په سیالیو کې تر ټولو مهمې لوبې ګڼل کېږي.
