پنځم پړاو بي پي ال به د ارجیت سینګ په ښکلي غږ پیل شي
راپور: خپلواک دریځ ||
ټاکل شوې ده دا ځل د بنګلدیش غوره لیګ سیالۍ د اتو لوبډلو ترمنځ د نومبر پر دوهمه پیل شي. د یاد غوره لیګ مسولین د لوبو د پیل لپاره د شانداره مراسمو د نیولو خبر ورکوي، دوی ویلي د هندي سینما ستوری او د جادوګر غږ درلودونکی سندرغاړی ارجیت سینګ به په خپل جادوګر غږ او خوږو سندرو دې لیګ ته نور رنګ او خوند هم ور وبخښي.
دغه سیالیو ته د مینه والو د ورتګ لپاره هم اسانتیا په پام کې نیول شوې او د عادي ټیکټونو بیه به ۱۰۰ـ۲۰۰ تر ۳۰۰ پوري وي او دا بیه به د ټولو لپاره مناسبه وي.
ستوری مصطفیض الرحمن سږکال د اته ځانګړو لوبغاړو په کتار کې دی او دی حق لري کومه لوبډله چې یې خوښه وي له هغې سره ولوبیږي، شکیب الحسن هم یو له ځانګړو لوبغاړو څخه دی او دی به سږ کال هم د ډهاکه ډاینامیک سره وي ځکه دوی به د تیرې اتلولۍ دفاع کوي.
افغان نړیوال ستوري محمدنبي او راشدخان به داځل د بنګلدیش غوره لیګ کې یوځای له کومیلا ویکټورینز لوبډلې سره ولوبیږي، د دوی سره د نړۍ ستوري لوبغاړي جوس بټلر، کولین مونرو، ډیرن براوو، مارلون سمیولز، انجیلو میتیوز، شعیب ملک او تمیم اقبال لوبیږي.
