فوټبال|| سعودي عربستان د افغانستان ۲۳ ته ۸ پر صفر ماتې ورکړه
د افغانستان د فوټبال تر ۲۳ د کشرو لوبغاړو ټیم د اسیا د غوراوي په سیالیو کې یوه بله سیالي وبایلله او د درویشت کلنو اسیايی جام ته له رسېدو پاتې شو.
افغان لوبغاړي له سعودی عربستان سره مخامخ شول. د سعودي غښتلي ټیم د افغانستان ۲۳ کلنو ته ۸ پر صفر ماتې ورکړه.
تر دې وړاندې لومړۍ مسابقه افغان لوبغاړو پر عراق په ورته نتیجه؛ یعني ۸ پر صفر بایللې وه.
د دغو سیالیو په لړ کې سبا د فوټبال د ۲۳ کلونو ملي لوبډله خپله وروستۍ مسابقه له بحرین سره کوي.
د اسیا د فوټبال مقدماتي سیالۍ د ریاض په کوربهتوب د فیصل بن فهد په لوبغالي کې روانې دي.
