ننګرهار کندهار او پکتیا لوګر ته ماتې ورکړه
په ننګرهار کې د لومړۍ درجه ولايتونو د سیاليو په لړ کې د کندهار او ننګرهار، د پکتيا او لوګر ترمنځ لوبې تر سره شوې.
ننګرهار د لوبې پچه وګټله او کندهار ته يي د توپوهنې بلنه ورکړه چې کندهار د ټولو لوبغاړو د سوځیدو په سر ۶۴ منډې وکړې. ابراهیم عبدالرحیمزي ۶، باطن شاه او ضمیر دوه – دوه لوبغاړي وسوځول.
ننګرهار د ۲ ویکټو په نقصان ياد هدف پوره کړ.
ابراهیم د لوبې غوره لوبغاړی ونومول شو.
بله لوبه د پکتیا او لوګر ترمنځ وشوه چې پکتيا د لوبې پچه وګټله او خپله يې توپوهنه وکړه چې د ټولو لوبغاړو سوځیدو په سر یې ۲۸۸ منډې وکړې چې غمي ځدراڼ ۱۷۰ زیاتې منډې وکړې.
مقابلې لوبډلې د ۲۳ منډو په توپیر لوبه وبایلله چې خان ولي او دولت نیمه سلیزې جوړې کړې او غمی د لوبې غوره لوبغاړی شو.
