د ښځو نړیوال جام: جنوبي افریقا پاکستان ته ماتې ورکړه
تاند- په انګلیستان کې د کرکټ د نړیوالې شورا د ښځو د نړیوال جام سیالیو په لړ کې جنوبي افریقا پاکستان ته په ۳ ویکټونو ماتې ورکړه.
د سیالۍ پچه د جنوبي افریقا لوبډلې وګټله او لومړی یې پاکستانۍ لوبغاړو ته د بیټنګ کولو بلنه ورکړه.
پاکستاني لوبډلې په ۵۰ اوورونو کې د ۸ لوبغاړو د سوځېدو په بدل کې ۲۰۶ منډې وکړې خو د جنوبي افریقا د ښځو ټیم دا هدف په ۴۹ اوور کې په داسې حال کې پوره کړ چې ۷ لوبغاړې یې سوځېدلې وې.
