آسترالیا د کرکټ په نړیوال جام کې پاکستان ته ماتې ورکړه
نن د ۲۰۱۹ م کال نړیوال جام سیالېو کې پاکستانۍ لوبډله د اسټرالیا په خلاف لوبه وکړه، چې اسټرالیا پکې پاکستان ته ماته ورکړه. د چهارشنبې د ورځې لوبه (جون۱۲) د انګلنډ په ټانټن کې وه. آسترالیا لومړی بېټېنګ وکړ او پاکستان ته یې د ۳۰۷ منډو هدف ورکړ.
پاکستان د ټولو لوبغاړو په سوځېدو سره ۲۶۶ منډې وکړې او آسترالیا دا لوبه په ۴۱ منډو وګټله.
دا د پاکستان دویمه ماتې وه، اوله لوبه یې پر ویسټ انډیز بایللې وه. دویمه یې له انګلنډ څخه وګټله او درېیمه یې د باران له کبله ونشوه.
د لوبې غوره لوبغاړی ډیویډ وارنر شو، ده ۱۰۷ منډې وکړې او پاکستان ته یې نسبتا یو ښه هدف وټاکه.
بله لوبه د پنجشنبې په ورځ (جون۱۳) د هند او نیوزلنډ ترمنځ ده. د کرکټ نړیوال جام سیالۍ په انګلنډ او ویلز کې کیږي چې د افغانستان په ګډون په کې لس لوبدلې برخه لري.
یاده دې وي چې سبا/شنبه/ افغان کرکټ ملي لوبډله د جنوبي افریقا خلاف لوبیږي، له دې سیالۍ وروسته به بیا د انګلنډ خلاف هم ولوبیږي، چې افغان ولسمشر او د انګلنډ لومړۍ وزیره به هم سیالۍ له نږدې وګوري.
