له فلمي ستورې سره د ظهیر خان کوژده
خبریال: فضل رحیم رحیم – د هندوستان د کرکت ملي لوبډلې پخوانی تېز توپ اچوونکي ظهیر خان د بالېوډ له فلمي ستورې یا اداکارې سره خپل نوی ژوند پیل کړ.
ظهير خان د هند مشهورې ادکارې ساګریکا سره کوژدن وکړ، ساګریکا چې د هندوستان د بالېوډ سینما تکړه اداکاره ده غواړي خپل ژوند له هندي کرکټر ظهير خان سره تېر کړي.
ساګریکا نه یواځې د چک دی انډیا فلم کې کار کړی بلکی په ګڼو نورو هندي فلمو کې هم ښه ځلېدلې ده.
د ډیلي لوبډلې لوبډلمشر ظهیر خان د خپل کوژدن اظهارپر سوشل ميډیا وکړ. ده د خپل کوژدن انځورونه خپاره کړي دي. د هندوستان کریکټ ملي لوبډلې پخواني لوبغاړي او د پنجاب لوبډلې اوسني روزونکي ویرینډر سیهواک د خپل ټیم پخواني ملګري ظهیرخان ته د نوی کوژدې مبارکي ورکړه ظهیر خان دهند په شېر پور ښار کې زیږدلی او اوسمهال ۳۸ کلن دی.
نوموړی د هندوستان لپاره په ۲۰۰ یو ورځېنو سیالېو کې ۲۸۲ او همدارنګه په ۱۳۳ شل اورېزو لوبو کې ۱۳۶ لوبغاړي سوځولي دي . اوسمهال په ای پي ایل لوبو کې د ډيلي لوبډلي لوبډلمشرۍ دنده هم په غاړه لري.
