حمید حسن تمرینونه پیل کړل
خبریال: فضل الرحیم رحیمي- حمید حسن چې د ټپونو له امله د ډېرې مودې لپاره له ملي لوبډلې جلا شوی و او لوبې یط نه کولې، یوځل بیا د ډاکټر په لارښوونه تمرینونه پیل کړل.
د کرکټ بورډ د رسنېو څانګې مسوول عزیز غروال وایی چې حميد حسن اوسمهال د داکټر ترڅارنی لاندي تمریناتو ته ادامه ورکوي .
غروال وایی، حمید اوس په کابل کې د هغه ډاکټرد ورکړشوي مهالویش مطابق خپل تمرینات ترسره کوي.
د کرکټ بورډ ویاند زیاته کړه چې له ویسټ انډیز سره د لوبو د چمتووالي په موخه به د هند په ګریټر نويډا کې د ملي لوبغاړو لپاره یو تمریناتي کمپ جوړ شي چې په دغه کمپ کې به حميد حسن هم شامل وي.
حميد حسن په ټوله کې د افغانستان لپاره په ۶۶ سیالېو کې ۱۵۶ لوبغاړي سوځولي . حميد حسن له ایم سي سي سره په لوبه کې زخمي شو او نږدې راتلونکی کې به له ملي لوبډلې سره یوځای شي.
