د والیبال د روزونکو کورس پیلېږي
تاند- د افغان روزنکو له خوا د والیبال د نویو روزونکو لپاره د روزنې کورس سبا جمعه په کابل کې پیل کېږي.
د دغه کورس مسؤل یوسف صادق ازادي راډیو ته وویل، د زدهکړې دغه کورس د والیبال لومړی درجې روزونکو ته ځانګړی شوی دی چې له ټول هېواده ۳۷ روزونکو په کې ګډون کړی دی.
د روزونکو د روزنې دغه کورس به پنځه ورځې دوام وکړي.
تر دې وړاندې د افغان روزونکو د روزنې چارې د بهرنیو روزونکو په غاړه وې؛ خو د والیبال نړیوال فدرېشن د پریکړې له مخې، له دې وروسته به د روزنې چارې خپله افغان روزنکې په مخ وړي.
