نبي د ال راونډرانو په کتار کې دریم مقام خپل کړ
تاند- د افغانستان کرېکټ ستوری محمد نبي عیسی خېل د ال راونډرانو په نوي اعلان شوې درجه بندۍ کې لا ډېر مخته شوی دی.
محمد نبي په دې وروستیو کې له بنګله دیش سره تر ښې لوبې وروسته اوس د ال راونډارانو په نوې درجه بندۍ کې دریم ځای لري.
د بنګله دېش شکېب الحسن په دغه کتار کې لا هم په اول نمبر دی.
شکیب اوس ۳۹۱ پواینټونه لري.
دویم نمبر د سرېلنکا مهتیوز دی چې ۳۵۲ پواینټونه یې خپل کړي دي.
محمد نبي د ۳۳۲ پواینټونو په اخيستلو اوس د نړۍ دریم نمبر ال راونډر دی.
د نړۍ په تر ټولو تکړه لسو ال راونډرانو کې د افغانستان، بنګله دیش، هند، نیوزیلنډ او سریلانکا یو یو، د استرالیا درې او د انګلستان دوه لوبغاړي شته.
په دې کتار کې د پاکستان کوم لوبغاړی نشته.
همداراز نبي د نړۍ په لسو ټاپ باولرانو کې شامل دی. دا لومړی ځل دی چې یو افغان باولر د نړۍ په لسو ټاپ لوبغاړو کې راځي.
د یادونې وړ ده چې دا د نړیوالو یو ورځنیو لوبو درجه بندۍ دي.
افغانستان په نړیوالو یو ورځنیو لوبو کې نهم دریځ لري.
د افغان لوبډلې په پورته خېژولو کې د محمد نبي رول ډېر مهم دی.
دی یوازینی افغان لوبغاړی دی چې د افغانستان له لورې یې تر اوسه ټولې ۷۰ سره نړیوالې یو ورځنۍ لوبې کړي دي،
د لوبغاړو د سوځولو او د منډو د جوړولو په برخه کې دی تر دولت ځداڼ او محمد شهزاد وروسته د تر ټولو ډېرو لوبغاوړ سوځونکی او د ډېرو منډو جوړونکی دی.
