ویرات کوهلي/ ژباړه: محمدالله شېرزی
نیټه: 7/8/2016
د ویرات کوهلي (ViratKohli) اصلي نوم ویرات او تخلص یې کوهلي دی. نوموړیدا مهال 27کاله عمر لري، په 1988کال د نومبر په 5 مه نيټه د هند په پلازمینه ډیلي(ډهلي) کې پیدا شویدی او (1,75) متره لوړوالی لري، د وردۍ (لباس) نمبر یې 18 اتلس دی .
ویرات کوهلي د هندوستان په لوبډله کې د هر فارمټ لوبیدونکی لوبغاړی دی، په ښي لاس سره (Right-hand bat)په منځنۍ برخه (Middle-order)کې توپ وهنهکوي او منځنی تېز (Right-arm medium) بالینګ هم ترسره کوي.
ویرات کوهلي په لومړي ځل د هند په نولس کلنه ملي لوبډله کې ولوبید، هرکله یې چې په 2008 نړیوال جام کې چې په مالیزیا کې ترسره کیده، د هند نولس کلنه لوبډله یې بري ته ورسوله نو په ملي لوبډله کې یې لوبیدل یقیني کړل.
ویرات کوهلي دا مهال د هندوستان په لوبډله کې د ملا تیر په شان را ښکاره شویدی چې په ډيرو مواردو کې یې د سچن ټنډولکر ریکارډونو ته خطر پیښ کړی. د کرکټ نړیوالې شورا درجه بندۍ په لړ کې شل اوریزو بیټسمینانو په کتار کې لومړی،یو ورځینیو کې دویم او ټیسټ لوبو کې لسم ځای لري.
ویرات کوهلي د انډیا نولس کلنې، الف او ملي لوبډلو ترڅنګ د روئیل چلنجر بنګلور، ډیلي،انډیا ریډ،نارت زون، پریزېډينټ ون کلبونو لپاره لوبې ترسره کړیدي.
کرکټ نړۍ ته د ویرات کوهليراتګ:
1:- ټېسټ (Test)
نوموړي خپله لومړۍ ټېسټ لوبه په {20/Jan/20011} نیټه د ویسټ انډيز په کینګسټون لوبغالي کې د ویسټ انډيز خلاف پیل کړه، په لومړۍ پاڼۍ(اننګز) کې یې 4 او دویمه پاڼۍ(اننګز)کې یې 15 منډې وکړې.
2:- یوورځینۍ (ODI)
ویرات کوهليد یوورځینیو لوبو پیل سریلانکا ته په سفر سره وکړ. دا لوبه په {8/Aug/2008} د سریلانکا په ډامبولا لوبغالي ترسره او سریلانکا په اتو ویکټو وګټله.نوموړي په دې لوبه کې د (ګوتم ګمبیر) سره په اوپنینګ راښکاره شو، خو یوازې 14 منډې یې وکړې.
3:- شل اوریزې (T20I)
نوموړي لومړۍ شل اوریزه لوبه د زمبابوې خلاف حراريکې {12/Jan/2010}ترسره کړه، دغه لوبه د هندلوبډلې په شپږو ویکټووګټله، خوویرات کوهلي26نا سوځېدلې منډې پکې جوړې کړې.
د ویرات کوهلي ټولې کړي لوبې:
نوموړي تردې دمه 43 ټېسټ، 71 یوورځینۍ او 43 شل اوریزې نړیوالوې لوبېترسره کړیدي.
دایې هم د توپ وهنې (بېتیېنګ) برخې جدول
لکه څه ډول چې دمخه وویل شول د بېټینګ ترڅنګ نوموړی ځینې وختونه منځنۍ تېز (Right-arm medium) بالینګ هم کوي.
دایې هم د توپ اچونې (بالېنګ) د برخې جدول
په دریو فارمټونو کې د ویرات کوهلي تر ټولو زیاتې منډې( :(High scores
1 ټېسټ:(Test)
په ټيسټ کرکټ کې د نوموړي زیاتې منډې د ویسټ انديز خلاف دي، په {21/Jul/2016}د نارت سونډ په لوبغالي 375 دقیقې په پیچ ودرید، د 24 څلوریزو په وهلو د 67،70بیټینګ چټکوالي (Strick rate) سره یې200منډې جوړې کړې.
2 یوورځینۍ: (ODI)
په یوورځینیو لوبو کې د ویرات کوهلي زیاتې منډې د پاکستان خلاف ثبت شوي، په {18/Mar/2012د ډاکېلوبغالي په کریس211 دقیقې تم شو، د 22 څلوریزو او یوې شپږیزې پر مټ یې وکولی شول، چې 183منډې جوړې کړي.
3 شل اوریزې: (T20I)
ویرات کوهلي په شل اوریزو نړیوالو لوبو کې زیاتې منډې د اسټرالیا هیواد په خلاف ترسره کړي. نوموړي په {26/Jan2016}نیټه د آډېلایډ پر لوبغالي د 9 څلوریزو او 2 شپږیزو په وهلو سره 90 ناسوځیدلې منډې وکړې.
ویرات کوهلي د هندوستان د هیواد یو ځوان کرکټر دی، سره ددې چې ښه وړتیا لري، خو اخلاقي جنبه یې څه ناڅه کمزوري ده او زیاتره لوبو کې د لوبڅارانو لخوا جریمه شوی، په ټیسټ لوبو کې دا مهال کپټاني هم ورکړل شویده، د هند لپاره یې نه هیریدونکي لوبې کړي او لا هم دوام ورکوي.
نوموړی د هند کورنیو مشهورو لوبو (ای پي ال) او نړیوال کرکټ کې زښت زیات مینه وال لري، په ای پي ال کې د رویل چلنجر بنګلور لوبډلې کپټاني پر غاړه لري، چې کریس ګېل، اې بي ډیویلیرز او شین واټسن هم ورسره لوبیږي.
