ویلز روسیې ته ۳ پر صفر ماتې ورکړه
تاند- د اروپايي فوټبال اتلولیو د سیالیړو په دوام کې د بریتانیا ویلز ټیم روسیې ته ۳ پر صفر ماتې ورکړه او ځان یې د خپل ګروپ په سر کې راوست.
په بله سیالي کې چې د انګلیستان د غښتلي ټیم او سلواکیا ترمنځ د ویلز او روسیې له مسابقې سره هممهاله وشوه، هیڅ ټیم ګول ونه واهه.
سره له دې چې لوبه له پیله تر پایه د انګلیسي لوبغاړو په کنټرول کې وه خو د سلواکیا کلکې دفاع اجازه ورنه کړه چې ګول پرې ووهل شي.
