بېګ باش: برېسبېن هیټ لوبډلې د لیګ ۵۳ مه سیالي وګټله
د اسټرالیا سوداګریزو کرکټ لوبو ۵۳ مه لوبه کې برېسبېن هیټ کرکټ لوبډلې مېلبورن سټارز کرکټ لوبډلې ته په ۷۱ منډو ماته ورکړه.
برېسبېن هیټ کرکټ لوبډلې د بېګ باش کرکټ لیګ په ۵۳ مه لوبه کې د ای بي ډیویلیرس د ۷۱ منډو په مرسته ۱۸۶ منډې وکړې.
اډم زمپا د مېلبورن سټارز کرکټ لوبډلې لپاره ۳ وېکټې واخېستې.
مېلبورن سټارز کرکټ لوبډلې په ۱۷ اعشاریه ۴ اورونوکې د ټولو لوبغاړو په سوځېدو سره ۱۱۵ منډې وکړې او لوبه ترې برېسبېن هیټ کرکټ لوبډلې په ۷۱ منډو وګټله.
دې لوبه کې مجیب الرحمن د برېسبېن هیټ کرکټ لوبډلې په ګټه ۴ اورونوکې ۲ وېکټې واخېستې او ۱۱ منډې یې ورکړې.
د لوبې غوره لوبغاړی ای بي ډیویلیرس ونومول شو؛ هغه په ۳۷ توپونو د ۶ شپږیزو او ۲ څلوریزو په مرسته ۷۱ منډې وکړې.
