بېګ باش: سېډني سېکسرز نهه څلوېښتمه لوبه وګټله
د اسټرالیا سوداګریزو کرکټ لوبو په دوام نهه څلوېښتمه لوبه د برېسبېن هیټ او سېډني سېکسرز کرکټ لوبډلو ترمنځ ترسره شوه، چې سېډني سېکسرز کرکټ لوبډلې، برېسبېن هیټ کرکټ لوبډلې ته ماته ورکړه.
د پنجشنبې په ورځ د اسټرالیا سوداګریزو کرکټ سیالیو په دوام ۴۹ مه لوبه د برېسبېن هیټ او سېډني سېکسرز کرکټ لوبډلو ترمنځ ترسره شوه، چې برېسبېن هیټ کرکټ لوبډلې د ۸ وېکټو په نقصان سره ۱۲۶ منډې وکړې.
سېډني سېکسرز کرکټ لوبډلې دا هدف د شپاړسم اوور په پنځم توپ د ۲ لوبغاړو په سوځېدو سره پوره کړ او برېسبېن هيټ کرکټ لوبډلې ته یې په ۸ وېکټو ماته ورکړه.
مجیب الرحمن دې لوبه کې د برېسبېن هیټ کرکټ لوبډلې په ګټه ۴ اورونه وکړل او ۳۲ منډې یې ورکړې.
