بېګ باش: ۳۶ مه سیالي برېسبېن هیټ لوبډله وګټله
د بېګ باش کرکټ لیګ په دوام ۳۶ مه لوبه کې برېسبېن هیټ کرکټ لوبډلې اډیلایډ سټرایکرز کرکټ لوبډلې ته ماته ورکړه.
د بېګ باش سوداګریز کرکټ لیګ په دوام ۳۶ مه لوبه د اډیلایډ سټرایکرز او برېسبېن هیټ کرکټ لوبډلو ترمنځ ترسره شوه. اډیلایډ سټرایکرز لوبډلې په شل اورونوکې د ټولو لوبغاړو په سوځېدو سره ۱۱۰ منډې وکړې. جېمز پټېنسن د برېسبېن هیټ لوبډلې لپاره ۵ وېکټې واخېستې.
مجیب الرحمن دې لوبه کې ۴ اورونوکې ۱۴ منډې ورکړې. بل پلو بیا راشدخان د اډیلایډ سټرایکرز کرکټ لوبډلې لپاره په ۴ اورونوکې ۳۰ منډې ورکړې او یوه وېکټ یې واخېسته.
برېسبېن هیټ کرکټ لوبډلې هدف په شپاړسم اوور کې د ۳ لوبغاړو په سوځېدو سره پوره کړ او اډیلایډ لوبډلې ته یې په ۷ وېکټو ماته ورکړه. د لوبې غوره لوبغاړی جېمز پټېنسن ونومول شو.
