ماراتا عربيينز د ټي ټېن لیګ پایلوبې ته ووتل.
اسدالله نوري
د ټې ټېن لس آوریز لیګ اوله کوالیپایر لوبه د ماراتا عربیینز او قلندرز کلبونو تر منځ وه، چي د (۷) منډو په توپیر عربیینز وګټله او په دې سره دوی د داغه لیګ پایلوبې ته لاره وموندله.
په دې لوبه کي اوله توپوهنه د عربیینز لوبغاړو وکړه او په لس آورونو کې یې د ۶ لوبغاړو په سوځېدو سره (۱۱۹) منډې وکړې.
د دوی په لوبغاړو کې (کریس لین ۶۷) منډې وکړې، خو حضرت الله ځاځی پر یوې منډې د مجیب ځدراڼ له خوا او نجیب الله ځدراڼ پر دوو منډو د جورډن کلارک له خوا وسوځېدل.
کله چي د قلندرز لوبغاړي توپوهنې ته راغلل، نو په لس آوره کې د ۴ لوبغاړو په سوځېدو سره ۱۱۲ منډې وکړې او لوبه ئې د ۷ منډو په توپیر بایلوده.
قلندرز لوبډله تر اوسه د لیګ څخه نه ده اوټ شوې او د (بنګلا ټایګرز او ډیکان ګلاډیاټرز) لوبډلو تر مینځ ګټونکې لوبډله به د قلندرز سره لوبیږي او د دوی تر مینځ ګټونکې لوبډله به فاینل ته د ماراتا عربیینز سره وځي.
