افغان فوټبال ملي لوبډلې يو صفر له قطر ماتې ومنله
احمد مسعود
د هند سره مو ګټلې لوبه مساوي کړه او د قطر سره مو مساوي کړې لوبه بایلوده.
د افغانستان او قطر ترمنځ په دغې لوبه کې قطر لوبډلې یو ګول وکړ؛ خو افغان لوبډلې له ډېرو هڅو سره سره هم د لوبې تر پایه کوم ګول ترسره نه شو کړای او لوبه یې وبایلله.
دغه لوبه د افغان لوبډلې په کوربه توب تېره شپه د تاجکستان د پلازمېنې دوشنبې په مرکزي لوبغالي کې وشوه.
د فوټبال نړيوال فدراسيون (فيفا) د امنيتي دلايلو له مخې د افغانستان په کوربه توب د سیالیو لپاره د تاجکستان ډګرونه غوره کړي دي.
د افغانستان د فوټبال ملي لوبډلې تر اوسه په E ګروپ کې پنځه لوبې کړي، چې له بنګله دېش څخه يې لوبه ګټلې، له هندوستان سره مساوي شوې، خو د قطر او عمان په وړاندې يې ماتې خوړلې ده.
افغانستان په خپل ګروپ کې، د ٢٠٢٢میلادي کال نړيوال جام او په ٢٠٢٣میلادي کال کې د اسيايي هېوادونو جام ته د لار موندنې لپاره په دریم کتار کې دى.