په خوست کې د میس عینک په ډګر ازمون سټار لوبډلې بریا خپله کړه
سمون
د خوست مس عینک کریکټ میدان باندې جوړوشویو سیالیو کې ازمون سټار لویه بریا خپله کړه.
دغه سیالۍ چې د خوست استاد حکیم تڼیوال پارک د مس عینک په لوبغالي پیل شوي د خوست ولایت تر شل پورې مخکښ د کریکټ کلبونه پکې شتون لري، چې له منځه یې نن ازمون سټار د سي ټي یو لوبډله له مخې پورته کړه.
په دې لوبه کې چې د وخت کمښت له امله له شلو اورونو اتلس اورونو ته راښکته شوه ازمون سټار پکې د ټاس په ګټلو سره لومړۍ توپوهنه وکړه چې د پیلیزو لوبغاړو د ښې توپوهنې پر مټ یې سیالې لوبډلې ته د ۱۷۲ منډو هدف کیښود. ازمون سټار ته صابر ۵۳ ناسوځیدلي،مصباح ۳۸ او په وروستیو کې بلال او عجب خان ۲۹-۲۹ چټکې منډې جوړې کړې.
د یاد هدف په تعقیب د سي ټي یو لوبډلې د ټولو لوبغاړو سوځیدو سره ۸۵ منډې جوړې کړې او ازمون سټار ته په توپ اچونه کې نواز څلور،نصیب الله سمسور او احمدالله دوه ـ دوه ویکټې تر لاسه کړې او ازمون سټار دغه لوبه په ۸۶ منډو وګټله .
ازمون سټار لوبډله به راتلونکي لوبه د باریخېل کلب خلاف د چهار شنبې به ماسپښین ترسره کړي.
