يه لویه پکتیا کې د سولې جام کرکټ سیالېو پای لوبه ترسره شوه
سید عمر عادل
یادې سیالۍ چې دسیمیزواورګانونو خپلواکې ادارې او ولسي ملاتړ پروګرام له خوا ترتیب شوې وې پای لوبه یې دپکتیا په ملي لوبغالي داحمدابا او سیدکرم ولسوالۍ ترمنځ ترسره شوه ،دلوبې پچه دسیدکرم لوبډلې لوبډلمشر دین محمد وګټله او په خپله یې دتوپ وهنې پریکړه وکړه چـې په ټاکلو شپاړسو 16 اورونو کې یې مقابلې لوبډلې ته 123 منډې هدف وټاکه چې داحمد ابا ولسوالۍ لوبډلې یاد هدف پوره نه کړ او خپل ټول لوبغاړي یې په 80 منډو له لاسه ورکړل او دسولې جام کرېکټ سیالیو پای لوبه دسیدکرم ولسوالۍ لوبډلې وګټله ، دیادونې وړ ده چې دټورنمنټ غوره لوبغاړی روح الله احمدزی شو چې هم په بالېنګ او بېټینګ ښه ځلېدلی وو، دسیمیزو اورګانونو خپلواکې ادارې او ولسي ملاتړ پروګرام مسؤلینو دیادو سیالیو هدف خلکو ته دسولې پیغام رسول او ځوانانو ته دورزش او لوبو ذهنیت ورکول یاد کړل
