تاند( جمع، د اسد۳) ایراني رسنۍ وایي، دوو امریکایي جيټ الوتکو د سوریې په حریم کې د ایران د سپرلۍ الوتکې ته په خطرناک ډول نږدې شوې دي.
د ایران دولتي رسنۍ وایي د امریکا دوه جنګي الوتکې د ماهان الوتکې سره نږدې په ډير خطرناک اندازه سره تېرې شوي او پیلوټ د ټکر د مخنیوی لپاره سملاسي لوړوالی کم کړی دی.
یادې رسنۍ زیاتوي، چې د دې پېښې له امله څو مسافرهم ټپيان شوي دي.
خو بل لورته امریکايي چارواکي دا ادعا ردوي او وایي، الوتکه یې د دې لپاره ارزوله، چې وویني خپل ځواکونه یې امنیت کې دي که نه.
دا الوتکه له تهران د لبنان بېروت ته روانه وه او مسافر یې لیږدول.
د ایران ایرب له خوا خپره شوې ویډيو کې له الوتکې یوه جیټ الوتکه له کړکۍ ښکاري او هم د یوه مسافر مخ په وینو سور دی.
خو د امریکا پوځ وروسته وویل، چې د اېف ۱۵ جېټ الوتکه په خوندي واټن وه.