تاند (جمعه، د سرطان ۲۷) د کابل اوسیدونکي وايي چې دوی نشي کولی چې ډیرې کرایې ورکړي او د ټرانسپورټ له وزارت څخه غواړي چې د ښار خراب شوي ښاري ترانسپورت له سره فعال کړي.
د کابل اوسیدونکی رستم محمدي، د ښاري بسونو په غیر فعاله کیدو نیوکه وکړه، ویې ویل چې په ښار کې د ملي بسونو نشتون د دې لامل شوی چې شخصي موټر زیات او په ښار کې لارې بندې شي.
د هغه په وینا، د شخصي موټرو خپل سری تګ راتګ د دولت لخوا نه څارل کیږي.
د کابل یو بل اوسیدونکی باران وايي ځکه شخصي موټرونه کاروي چې دلته ښاري اډې نشته او ښاري اډې باید جوړې شي.
د هغه په وینا، د موټر چلوونکو لخوا ځورول کیږي او له فرصت څخه په استفادې کرایې درې چنده ډیرې اخلي.
خو د ملي بس چارواکي وايي چې دغه شرکت ۶۱۱ ښاري بسونه لري چې ډیری یې د تجهیزاتو د نشتوالي له امله درول شوي دي.
د شرکت مشر یونس امیري وویل چې دا ریاست ۱۰۵ فعال بسونه لري چې د کابل د خلکو لپاره کافي نه دي.
د هغه په وینا، د ښاري ترانسپورت د تنظیم لپاره پلان نهایي شوی او د دې پلان له مخې حکومت باید ۶۵۰ نوي بسونه واخلي.
له بلې خوا، د ټرانسپورټ وزارت د ټرانسپورټ تنظیم او خدماتو ریاست چارواکي په کابل کې د خصوصي ښاري ټرانسپورټ بیا پیلول اعلانوي.
د دې ادارې مشر قهار حبیبي وویل چې د یوې کمیټې تر لارښوونې لاندې کورونا ویروس ته اضطراري ځواب، د خصوصي ښاري ټرانسپورټ فعالیت وځنډاوه او د وضعیت له عادي کېدو سره سم به خپل فعالیتونه پیل کړي.
د کابل ښار لپاره د ښاري بسونو په برخه کې باید د افغانستان خصوصا د کابل ښار شرایط په نظر کې ونیول شي. د ارزان بیه او یوه میاشت مصرف بسونو له پېرلو او اخیستلو نه باید جدي ډډه وکړی.
ترټولو دمخه د تېلود مصرف یې باید کم او ډیزلي نه وي ، ځکه زیات دود یو ځل بیا د ښار فضا ککړوی چې د مختلفو امراضو سبب کیږي.
د بسونو چوکۍ باید فلزي او کلکې وي . چرمي او پلاستیکي چوکۍ د ورانکارانو له خوا ژر خرابیږي.
دریوران او د هغوی کلینران باید له خپل ولس سره ښه رویه وکړي او په مقابل کې ښاریان هم باید د ټولو ښاري قوانینو به نظر کې نیولو سره د دریور او کلینر درناوی وکړي.
ښاري بسونه فقط په خپلو معینو تم ځاینو کې تم او مسافر واخلي . تشکري ایستګاوې د نه جوړوي اوښاریان د هم هغوی نه مجبوروي .
ښاريان باید بس ته دختلو په وخت کې تکت واخلي او د خپل دولت په مقابل کې خپل دین ادا کړي . که امکان ولري د ښاري بسونو شپږ میاشتنی او یا یو کلن پاس د یو تخفیف په مقابل کې ښاریانو ته توزیع کړل شي . د ښوونځیو شاګردانو او د پوهنتون محصلینو ته نیمه بیه وټاکل شي .
هغه کسان چې د بس کارت او یا تکت ونلري ، باید د کنترولرانو له خوا جریمه او جریمه باید نقدي تحویل کړي.
د بس منځ کې د خوراک ، څښاک ، سګرت څکولو او یا نسوارو له استعمال نه په جدي ډول ډډه وکړي .
کېدای شي د بسونو د نظافت او د ښه نظام لپاره نور مقررات د مسوولینو له خوا وضع او ښاریان یې پر ځان تطبیق کړي.