تاند/ پنجشنبه د وږي ـ سنبلې ۲۶مه/ د افغانستان کرکټ ملي لوبډله نن ماښام شپږ نیمې بجې له هند کرکټ ملي لوبډلې سره د درېیو ۲۰ اوریزه لوبو وروستۍ لوبه کوي.
د دې لوبلړۍ مخکینۍ لوبې هند ګټلې دي.
په نننۍ لوبې سره به د دواړو هېوادونو ترمنځ دا لوبلړۍ پای ته ورسېږي.
په لومړیو دوو لوبو کې افغانستان لومړی توپوهنه وکړه.
په لومړي لوبه کې افغانستان، هند ته د ۱۵۷ او دویمه کې یې ۱۶۰ منډو هدف ورکړی وو چې، هندۍ لوبډلې دواړه لوبې په اسانې وګتلې.
د لومړنیو لوبو تر ماتې وروسته افغان کرکټ مینه وال هیله لري چې، وروستۍ لوبه کې د بري زیری واوري.