تاند/چهارشنبه د وږي ـ سنبلې ۱۸مه/ نن (چهارشنبه) د سپټمبر ۹مه، له بریدونو څخه د پوهنې د ساتنې نړیواله ورځ ده.
د ملګرو ملتونو د ۲۰۲۶ کال د معلوماتو له مخې، په تېرو دوو کلونو کې په نړۍ کې پر ښوونیزو بنسټونو اته زره ۵۶۶ بریدونه راپور شوي، په داسې حال کې چې په ۲۰۲۲ او ۲۰۲۳ کلونو کې دا شمېر ۶ زره و.
د ملګرو ملتونو سرمنشي انتونیو ګوترېش د دې ورځې په مناسبت ویلي،چې په تېرو دوو کلونو کې له ۸۵۰۰ ډېرو بریدونو کې ښوونځي، زدهکوونکي او ښوونکي په نښه شوي چې د مرګژوبلې، تښتونو او رواني زیانونو لامل شوي دي.
ګوترېش د جګړو پر ټولو خواوو غږ کړی چې پر ښوونځیو او نورو ښوونیزو بنسټونو د بریدونو مخه ونیسي، د نړیوالو قوانینو له مخې خپل مکلفیتونه عملي او د بریدونو عاملان ځوابویونکي وګرځوي.
نوموړي له هېوادونو غوښتي چې د خوندي ښوونځیو اعلامیه په بشپړ ډول تایید او عملي کړي.
دا په داسې حال کې ده چې پر افغانستان د پاکستان د وروستیو بریدونو پرمهال هم ښوونځي، مدرسې، پوهنتون او ګن شمېر زدهکوونکي په نښه شوي دي.