تاند (سه شنبه د وري – حمل ۴مه) د امریکا بهرنیو چارو وزیر مارکو روبیو افغانستان کې د طالبانو له بنده د خوشي شوي زنداني ډېنیس کویل په تړاو د متحده عربي اماراتو له حکومت څخه مننه وکړه.
مارکو روبیو دغه د قطر د دوامدار ملاتړ او د هغو امریکایانو د ملاتړ قدردانی کړی چې په ناحقه په افغانستان کې بندیان دي.
روبیو زیاتوي، که څه هم دا د طالبانو له لوري یو مثبت ګام دی،خو زیاتوي چې لا هم ډېر کار ته اړتیا ده او په خبره یې لا هم د محمود حبیبي، پاول اوربي او ټولو هغو امریکایانو سمدستي خوشې کېدل غواړو چې په ناحقه بندیان دي.
د طالبانو بهرنیو چارو وزارت په یوه اعلامیه کې ویلي چې د سترې محکمې د حکم له مخې یې ډېنیس کویل خوشې کړ. د طالبانو په اعلامیه کې دا هم ویل شوي چې د کویل خوشې کول د هېوادونو ترمنځ د باور پیاوړتیا لپاره ترسره شوي دي.
د امریکا د بهرنیو چارو وزارت هیله ښودلې چې، امریکا او افغانستان به خپلې پاتې ستونزې د تفاهم او رغنده خبرو اترو له لارې حل کړي.
روبیو تر دې وړاندې خبرداری ورکړی و چې «طالبان دې د یرغمل نیولو ډیپلوماسي پای ته ورسوي».
له همدې امله د ټرمپ ادارې هم د کویل د درې خوېندو هڅې وستایلې، چې د هغه د خوشې کولو په بهیر کې یې مهم رول درلود