تاند ( جمعه د کب ـ حوت ۸مه) پخوانی ولسمشر حامکرزي پر کابل، کندهار او پکتیا د پاکستان بمبار ته په غبرګون کې ویلي، چې افغانان به په هر ډول شرایطو کې په پوره اتحاد د خپل ګران هیواد دفاع وکړي او د زور ځواب به په میړانې سره ووایي.
حامد کرزی زیاتوي چې پاکستان په دغه بمبار او تاوتریخوالي سره له هغو ستونزو ځان نشي خلاصولی چې پخپله یې جوړې کړې دي.
د ولسمشر کرزي په خبره، د روان کړکېچ حل لار دا ده چې پاکستان خپله پالیسي بدله کړي او له افغانستان سره د ښه ګاونډیتوب او متمدنې رابطې لار خپله کړي.
دغه راز زلمي خلیلزاد هم د پاکستان پوځي رژیم پر وړاندې د طالبانو د غچ اخیستونکو عملیاتو ته په اشارې ویلي، دا باید ودریږي، ځکه په خبره یې، دواړو خواو ته بې ګناه خلک وژل کیږي.
دغه افغان الاصله امریکایي ډیپلوماټ زیاتوي چې، د کابل او اسلاماباد هوکړه باید د ترکیې په څېر، د یوه درېیمګړي هېواد له لوري وڅارل شي.