تاند جمعه، د سلواغې/ دلوې ۱۶ مه) د واورو د یوې بلې څپې له پیلېدو وروسته د افغانستان برښنا شرکت پرون وویل چې د تخنیکي ستونزې له امله د ازبکستان وارداتي برېښنا یو ځل بیا پرې شوې ده.
د دې شرکت په وینا، د ۲۲۰ کیلوولټه وارداتي برېښنا مزی د د بغلان او سمنګان ولایتونو ترمنځ د تاشقرغان تنګي په سیمه کې پرې شوی دی.
د دې مزي د پرې کېدو له امله د سمنګان او بغلان د ولایتونو ځینې برخې، او همداراز پروان، پنجشیر، کاپیسا، کابل، لوګر، پکتیا، خوست، میدانوردک، غزني، ننګرهار او لغمان ولایتونه له وارداتي برېښنا بېبرخې شوي دي.
د افغانستاند برښنا شرکت ویلي چې د ستونزې د حل لپاره تخنیکي ټیمونه سیمې ته استول شوي، خو د سخت توپان له امله تر اوسه د ترمیم بهیر نه دی پیل شوی.
د شرکت په وینا، د هوا له ښه کېدو وروسته به د لاین د ترمیم چارې پیل شی.
د افغانستان برښنا شرکت په خبرپاڼه کې راغلي چې تر هغې چې ستونزه بشپړه هواره شي، له کورنیو سرچینو تولید شوې برېښنا به وکارول شي. دغه شرکت خبرداری ورکړی چې د هوا د خرابوالي د دوام له امله ښايي د وارداتي برېښنا په بیا وصل کېدو وخت ولګېږي.
يه روان ژمي کې دا لږ تر لږه درېیم ځل دی چې د ازیکستان وازداتي برېښنا مزي پرې کېږي. عموماً توپان او تېزه سیلۍ د مزو د پرې کېدو سبب کېږي.
سږنی ژمی تر دې دمه د واورو د اورېدو له کبله په وروستیو څو کلونو کې کمیساری بلل کېږي.