تاند (دوشنبه، د سلواغې/ دلوې ۶ مه) د لیبيا په پلازمېنه طرابلس کې د موبايل ټېلیفون یوه پلورنځي، هغه نوکیا موبایلونه تازه ترلاسه کړل چې چې ۱۶ کاله پخوا یې د رانیولو فرمایش ورکړی و.
د دوکاندار نظار صالح په وينا، په ۲۰۱۱ کال کې په هیواد کې د کورنۍ جګړې او سياسي بېثباتۍ له امله دا موبایلونه، چې اوس لاس ته ورغلي، په ګودامونو کې بند پاتې شول.
دی همداراز وايي چې دا ټېلفونونه یې بیخي هېر شوي وو، خو اوس چې یې لاس ته راوړي داسي دي لمه کوم سوعات چې ورکړل شوی وي.
سږ کال، يعنې په ۲۰۲۶ کې، دا موبايلونه په سالم حالت کې ورسېدل، چې دوکاندار يې د خلاصولو پر مهال ډېر حيران شو.
دا زاړه د نوکيا ماډلونه وو، چې د نن ورځې د ځیرک (سمارټ) ملفونونو په زمانه کې تاريخي توکي (نوادراتو) ګڼل کېږي.
په ويډيو کې ښکاري چې دوکاندار او پېرېدونکي د موبايلونو په ليدو خاندي او ټوکې کوي، او دا پېښې ته په ټولنيزو رسنيو کې هم ډېر پام اوښتی دی.