تاند ( یکشنبه د مرغومي ـ جدي ۲۸مه) د افغانستان – پاکستان د سوداګرۍ ګډې خونې او د سرحدي سوداګرۍ او صنعت خونې مسوولانو ویلي، چې د دواړو هېوادونو ترمنځ د سوداګریزو لارو تړلکېدو د دواړو غاړو عامو خلکو ته پراخ مالي زیانونه اړولي دي.
یادې خونې زیاته کړې چې د سوداګرۍ بندښت سیمهییز اتصال هم زیانمن کړی او د دواړو هېوادونو د توکو لسګونه زره موټر بند پاتې دي.
سرچینې ویلي چې، افغانستان د پاکستاني توکو لپاره نږدې بازار دی او د د لارو له تړلکېدو وروسته پاکستاني صادروونکو شاوخوا ۳۷۵ میلیون ډالر زیان لیدلی دی.
د افغانستان او پاکستان ترمنځ هر ډول سوداګري د دواړو هېوادونو ترمنځ له خونړۍ نښتې وروسته وتړل شوه.
د خلکو ترڅنګ د سوداګرۍ بندېدو د دواړو هېوادونو سوداګرو ته هم پراخ مالي زیانونه واړول.
که څه هم څو ځلې له پاکستان سره د سوداګریزو لارو د بېرته خلاصېدو اوازې خپرې شوې وې، خو لا هم نه ده روښانه چې دا لاره به کله پرانیستل کېږي.
د افغانستان – پاکستان د سوداګرۍ ګډې خونې او د سرحدي سوداګرۍ او صنعت خونې مسوولینو ویلي تر دې مخکې هم له دواړو هېوادونو غوښتي وو چې په دې اړه یو تفاهم ته ورسېږي او لاره پرانیزي.